=AARZOO= Agar Umm-al-Qurra Me KALIQ e Konain Ne Asad ,

=AARZOO=
Agar Umm-al-Qurra Me KHALIQ e Konain Ne Asad,

Ba-Ahd e AHMAD e Mursal (Sallallahu Ta'ala Alayhi Wa'Aalehi Wasallam) Mujhe Paida Kiya Hota,

Hiraa Ki Khaak Me Tehleel Mere Jism o Jaan Hote,

Meri Loh e Jabeen Per AAP (Alayhissalam) Hi Ka Naqsh e Paa Hota,

Qadoom e Sarwar e Konain (Alayhissalam) Ki Azmat Ba-Hamdulillah,

Main Khaak e Rah-guzr Hota To Phir Bhi Kimiya Hota,

Damagh o Dil Chamak Uthtay Rukh e Pur-Noor Ki Zu Se,

Nazar Uthti Jahan Tak Jalwa e Khair ul Waraa Hota,

Ba-hr Unwaan Us Zaat e Garaami Per Nazar Rehti,

Kabhi Un Per Kabhi Un K Ghalamon Per Fida Hota,

Rasool ALLAH (Sallallahu Ta'ala Alayhi Wa'Aalehi Wasallam) K Adnaa Ghulamon Ki Sana Likhta,

Kalaam ALLAH K Alfaaz Me Naghma-Saraa Hota,

Shehanshahon K Takht o Taaj Mere Paaun Me Hote,

Mera Sar "Saiyyad ul Konain (Alayhissalam) K Dar Per Jhuka Hota,

KHUDA Wandan e Dulat K Gareba'an Phaar Deta Main,

MOHAMMAD Rasool ALLAH (Sallallahu Ta'ala Alayhi Wa'Aalehi Wasallam) Ki Qasam Quran K Parcham Gaarh Deta Main.
{ASSALATU
WASSALAMO ALAYKA
YA SAIYYADI RASOOL-
ALLAH,
WA'ALA AALEKA
WA'ASHABIKA YA
SAIYYADI
MOHAMMADURASOOL-ALLAH}
☆Subhan ALLAH☆