Mera To Sab Kuch Mera NABI Hai

Naat e Rasool e Maqbool
(Sallallahu Ta'ala Alayhi Wa'Aalehi Wasallam)

Mera To Sab Kuch Mera NABI Hai,

Siyahiyan Mujh Me Daagh Mujh Me,

Jalen Usi K Chiragh Mujh Me,

Asasa e Qalb o Jaan Wohi Hain,

Mere Gunhon Py Unka Parda,

Wo Mera Amroz Mera Farda,

Zameer Per Hashiye Usi K Shaoor Bhi Uska Waza Karda,

Wo Mera Eman Mera Tayakun,

Wo Mera Pemana e Tamdun,

Wo Mera Mayaray Zindagi Hai,

Wo Meri Manzil Bhi Humsafr Bhi,

Wo Samne Bhi Pas e Nazar Bhi,

Wohi Mujhe Door Se Pukare,

Unhi Ki Parchai Rooh Per Bhi.

Wo Rang Mera Wo Meri Khushbu,

Main Unhi Ki Muthi Ka Aik Jugnu,

Wo Mere Andar Ki Roshni Hai,

Unhi K Qadmon Me Rah Meri,

Unhi Ki Pyasi Hai Chah Meri,

Unhi Ki Mujrim Meri Khataen,

Unhi Ki Rehmat Gawah Meri,

Unhi Ka Gham Mujh Ko Sath Rakhe,

Wohi Mere Dil Py Hath Rakhe,

Wo Dard Bhi Hai Sakoon Bhi Hai,

Azal K Chehre Py Noor Uska,

Zahoor e Aalam Zahoor Uska,

Khud Uski Awaz Gufta e Haq,

Khud Uski Tanhai Toor Uska,

Bohat Se Aal'i Muqaam Aaye,

"ALLAH" K Baad Unka Naam Aaye,

Wo Awaleen Hai Wo Aakhri Hai,

Mera To Sab Kuch Mera NABI Hai,

Na Mujh Se Baar e Amal Uthe Ga,

Na Azwu Hi Koi Sath De Ga,

Agar Kahe Ga To Roz e Mehshar,

"ALLAH" Se Mera "NABI" Kahe Ga,

Siyahiyan Daagh Saaf Kar De,

Isay Bhi Moula Tu Mua'af Kar De,

Ye Mera Aashiq Hai Warsi Hai,

Mera To Sab Kuch Mera NABI Hai.
*Subhan ALLAH*
{ASSALATU
WASSALAMO ALAYKA
YA SAIYYADI RASOOL-
ALLAH,
WA'ALA AALEKA
WA'ASHABIKA YA
SAIYYADI
MOHAMMADURASOOL-
ALLAH}