Paigaam zindagi ne diya mout ka mujhe

Paigaam zindagi ne diya mout ka mujhe,
 Marne k intzar me jeena para mujhe,
 Is inqalab ki bhi koi hadd hai dosto !
 Na-ashna samjhte hain ab ashna mujhe,
 Kashti pohanch sakay gi ye ta sahil e murad ?
 Dhoka na de Khuda k liye na-Khuda mujhe,
 Wo tool-e-umar jis me na ho lutf e zindagi,
 Mil jae misl e Khizr to kia faida mujhe,
 Doon tera sath umer e rawan kis tareek se ?
 Aankhen dekha rahe hain tere naqsh e pa mujhe,
 Takhliq e kaiynaat ko socha kia magar !
 Kuch ibteda mili na inteha mujhe.